手信日

較早前已相約好，把手信及託買之物品交給朋友……可惜做GYM做得太落力，攪到而家手軟、腳軟，行都行得慢過人，好彩都係上朋友家裡作客，可以輕鬆D。

每次旅行，我都會買一大批零食作手信，給朋友及公司同事，但多數都係同導遊落ORDER，因為唔駛煩，又可以PACK埋箱，方便嘛，反而自己買的東西就不多，只買咗一件￥3000嘅日本佐丹奴『茄士咩』毛衣、同買咗D副食品~~藍莓素、另外亦帶咗一些特別的手信回來……

媽子就買咗：長腳蟹、冰鮮帶子、黑炭洗頭水，蘋果……

即席係日本就食咗：神戶牛柳、及黃金毛蟹，其實蟹我唔係好啱，嗰隻仲要係膏蟹添……好飽呀！最後一天仲响心齋橋嘅『不二家』食埋個LUNCH先走。

返港的行李，隨咗每人一個行李箱外，還加上三箱食品及一袋手提行李，你說跨張嗎? 不過睇見媽子全程都玩得非常開心，咁都無揀錯團吖！