話說好耐都無做按摩，心思思咪跟媽子返深圳試吓囉！
九點幾出發往旺角火車站，星期六早上，火車站人羣不算多……
大約個幾鐘便進入深圳，過境人潮需要排龍，但未至於打蛇餅，況且離開香港只需Scan指模，話都無咁快啦……到達深圳邊境，就要排隊過關，因為我無得Scan指模囉！不過都好快，亦見到好多小朋友隨父母回鄉探親……
雖然關員嘅嘴臉依然笑容欠奉，但總算輕易地過咗關，接著跟住媽子就直住羅湖城進發……原來而家不用行出地面，穿過地下通道就可以走到地鐵站、羅湖城、深圳火車站，我記得以前一出關口就好嚇人，因為外面滿佈閒人，問你要不要車、又要不要換錢、還有些會問你是否去醫院?? 恐佈呢！
於地底鑽出來，好好陽光呢！右手邊就係深圳火車站，所有北上嘅火車都由此出發……
呢個當然就係深圳邊境站啦！
我就係响呢間做咗四個鐘嘅香薰油按摩喇！連小費HK$250，比响香港真係抵喇，不過唔好用香港嘅同佢比，因為確實係一分錢一分貨……香港講享受，呢處講實際，佢地D手勢又真係OK嘅！
四個鐘好快就完咗喇！趁有少少時間，又一場上到嚟，梗要逛逛羅湖商業城啦！舖頭內所售嘅不外乎衣服、手袋鞋履、水晶玉石、手錶等……A貨店仍低調進行，先入店內查詢，再由店員帶你到樓上寫字樓兼貨倉看貨……我八掛聽到人哋講咋！
賣刺繡，有埋部織布機擺响到添！
逛了一會差不多五點，便與媽子到商場樓下大快活吃點東西，係香港大快活集團，不過全部都係深圳員工，總覺得有點不像樣……
小妹算術零蛋……你哋話食物嘅價錢相對香港係平、定貴呢??
休自了一會，便準備過關返香港喇！
呢度係深圳河，對面已經係香港喇……
回程都唔係好多人啫！不滿全列火車都滿座……
返到九龍灣已經成七點幾，適逢好安答夫婦放假，便相約了他們吃晚飯，連同姪仔女，一共六人……還要多得他們一早去等位呢！
當晚餸菜有：五味雞、梅醬一字排……
鮑汁脆皮豆腐……
魚唇炆鵝掌……
蟹肉扒西蘭花……
紅酒燴牛仔骨……
仲有胡椒豬肚湯及美味蒸鬆糕……全部食清光，不過淨係食餸無食飯……
最後仲送埋煲得好靚嘅紅豆沙糖水，全檯人個個都食得好飽，埋單多謝$521……，連好安答都話抵，你估我哋喺邊度食呢?！
~~待續~~
上午活動,行程都幾緊湊,
回覆刪除五寶飯要人仔27元,同香港一樣咁貴.要HKD30.00左右.
[版主回覆08/05/2008 22:34:00]你真係心水清，如果俾我計，計到天黑都未計到呢……
依日真係幾好節目喎~不過我好認同~一分錢一分貨
回覆刪除我無返大陸架~所以完全唔知上面d野~哈哈
[版主回覆08/05/2008 22:44:00]其實內地有D景點都值得一去嘅，好似九寨溝、北京故宮、雲南麗江呀、西安呀咁……從朋友影返嚟嘅相見到D風景都好靚o架！我將來都會一去嘅！
小妹：
回覆刪除大榮華出哂名爆場，妳們都可以多次揾到位，真喺掂，
！無食超人氣「豬油撈飯」。
Diy
[版主回覆08/05/2008 22:49:00]好彩咋！第一次同媽子食第一輪，五點幾到達攞到枱……今次係好安答夫婦用咗成兩粒鐘等返嚟o架！
節目安排幾好，有食有商場行，不過深圳就雜小小..
回覆刪除[版主回覆08/06/2008 10:53:00]以前仲恐佈啦！而家好D喇，但此終自己都係小心D好……
咁啱既, 我地803-805又係上左SZ喎, 不過我地主力玩歡樂谷
回覆刪除大快活價錢同HK差不多喎, 去酒樓食會抵D
[版主回覆08/09/2008 23:09:00]咁係咪住深圳灣大酒店呀！仲有無民族文化村呀?? 想當年就曾經响度玩過、住過呢！