行行吓行咗去鯉魚門

一個天氣不穩嘅星期天，落雨落到中午時份，百無聊賴又無人約，唯有換件衫出去食個晏，兼睇吓逛去邊……出門口時無雨噃……就決定逛去鯉魚門啦！

到達油塘，個天又開始落大雨喇……唯有搵間快餐店食個茶餐，等場雨過咗再行動！終於到咗鯉魚門。

離遠見到D棚屋，似大澳嗎??

其實我第一個嘅目的地係圖書館呀！

响圖書館逗留咗差不多兩粒鐘，開始行入去鯉魚門村睇吓！

行到去一半路程就見到呢間小學喇！

之後再穿過d羊腸小巷就見到呢個小型燈塔，我記得婆婆話，出咗呢個燈塔就出大海o架嘞！

從呢度望出去，就係九望東嘅盡頭及一望無際嘅大海……仲有人响度釣魚添……

繼續行咗一陣，就真係到盡頭……嗰度有間天后廟，唔講唔知，原來呢間廟係响清朝乾隆時期，由一班盤踞於鯉魚門一帶嘅海盜興建嘅……

……目的??當然係用嚟作哨站，防範官兵進剿……

從天后廟嘅前門行到後門，再穿個呢兩舊石縫就出到佢後面嗰個大石灘……

所見到嘅大石頭都已被海風及海浪沖刷好耐、好耐……

沿路行番出去，就見到一幢幢鐵皮屋、石屋，果真係背山面海，不過打風嗰時佢地就真係慘喇……

呢兩座大砲喺放响廟門前嘅左手邊，好似係响抗日戰爭時打造嘅??

呢棵叫做心願樹，樹幹中間似唔似有個心呀……

羊腸小巷入面除咗海鮮檔之外，仲有幾間賣小食嘅店舖……

睇嚟好似好好味，不過近排天氣潮濕，我怕唔夠脆，所以無買到……

呢個郵筒靜靜地駐守咗喺鯉魚門有幾耐呢?！

話咁快就逛完！係時候返歸喇！

出嚟吸吓新鮮空氣，總好個悶响屋企，行吓行吓咪當做埋運動囉！Right?