四月四日，本來係兒童節，應該同小朋友去玩吓開心D，點知天氣灰沉沉，攪到自己都無咩顏色，自己都"發牛豆"發咗成日，最有建設就係幫老同學打咗兩份文件囉。
四月五日，知道今天太陽伯伯會出嚟，專登攞咗半日大假帶咗大、小靈精去『麥當當』食早餐，然後上屋苑附近嘅『健步徑』行吓！開頭佢地都怕辛苦，唔係幾想去，仲多多籍口，又話要練琴、一陣又話要學游水，但最後都敵不過『麥當當』嘅魅力，出發喇！
首先食個早餐先，佢哋要咗薯餅同鮮橙汁，我就要個早晨全餐……發覺有乜野特別嗎??
呢個就係『健步徑』嘅路線圖，超短程，極易行，上落不作停留都只係需要半個鐘咋！
起步喇……
第一個考驗，上樓梯……
沿途都會見到……好多開得好靚嘅杜鵑花呢！
努力…加油……差不多到小山崗喇……
從觀景台望出去嘅境色……
休息過後，便落山喇……途經呢D玩樂設施，大、小靈精又話要試吓……
原來呢個好似呔盆嘅物體，係用太極推手嘅原理做出嚟o架……
玩完晒……真係要走喇……
返到終點站，連埋食早餐時間，一共花了兩小時……大家出了一身汗，又玩得開心……幾健康吖！
好耐都無食麥記啦~包裝唔同左喎...
回覆刪除依日去行下郁下都不錯~依後徑都好靚
同小朋友去行~又有野玩~設施都好....不錯不錯
呢度距離屋企又唔遠，行程時間又短，俾大人及小朋友行吓都真係唔錯o架！
回覆刪除你可以帶2位小朋友去行衛奕信徑第五段.唔錯架.
回覆刪除[版主回覆04/08/2008 23:24:00]我會研究吓先，但最近我家嘅係衛奕信徑第三段，唔知有幾難呢?
Hello 這是最好的活動啊
回覆刪除原來兩隻小靈精同Christy差不多大喎, 小妹你哩個姑媽真係唔話得, 成日帶佢地去玩
回覆刪除[版主回覆06/15/2008 23:57:00]其實佢地有好多課餘活動o架！好難得就啱先可以帶佢地去咋！