星期天

天陰陰嘅一天，約咗老同學飲完茶，就去配太陽鏡。

因為之前嗰副太陽鏡早已沉入『東歐嘅碧湖』底了，今年夏天，又想作多些戶外活動，烈日當空帶上太陽鏡較舒服！

加上近嚟見廣告買一隻變色鏡，心思思想配副玩吓，方便嘛，外出時一副就攪掂……點知問過D大型嘅眼鏡公司，先知道嗰隻如要做埋超簿鏡片嘅價錢大約成三千多元，都未計框呢！好貴呀！

咁……聽聞老同學介紹一間樓上眼鏡工場，價錢可以平D，當然要上去望吓啦！

地點係大角咀工廠大廈內，單位係工場連門市，環境都OKo架！有Sales招呼嘅，但唔會跟住晒，你自己週圍睇，週圍試，擇好眼鏡框就去驗眼，一般都可以即配即有……係太子地鐵站仲有專車接送添。

哈哈！果然人老咗，近視度數就沒有改變過……最重要的一環喇，就係價錢，始終賣近廣告嗰隻鏡實在太貴……所以退而求其次，選咗隻普通變色膠鏡片《我擔心塊鏡片好厚呀》，又因為只有膠鏡片先可以做到防UV咋，眼鏡框就揀咗SISILY，埋單千一有找。但因為我隻度數咁啱無貨，要遲幾日先有得攞……好心急想知效果好唔好呀

 

蕉坑教育中心(下)

大家經過一輪休息，小朋友吃了他們喜愛的雪條後，便繼續參觀餘下嘅展館~~昆蟲館。

昆蟲館內有著無數的昆蟲，呢D比較靚，還有各種類嘅蜂、螞蟻、甲蟲，由於佢地嘅樣太難看，所以沒有拍下來……

下圖介紹响左手邊塊葉上面嘅卵……慢慢變成右邊嘅蝴蝶……

生在地上嘅本代同堂，通常都係响花市入面見到，仲要係一枝有好幾個，但呢棵就一枝得一隻咋。

樹頭長出菰……

最後一個展館，中草藥園，入面栽種咗好多常見嘅草藥，即係行山時响山邊熟口熟面嗰D呢！真係唔睇都唔知！

呢條就係自然教育徑，全長好似0.8km，大約一粒鐘就行完，由此路上繞一圈後返回此處作終點，可惜尤於再無時間嘅關係，唯有下次先行喇！

四點幾，係時候要走喇！不過我們仍然繞了果園一圈才走……一隻隻松果跌到地上，好彩無打中我哋啫！

睇吓啦，呢D就係未成熟嘅檸檬嘞！開頭我以為係牛油果添！

到咗終點喇……時間大約五點幾……我們慢步返回西頁碼頭食晚飯……

返到碼頭附近，發現原來除咗有好多酒家、食店外，還有好多動物診所、出名嘅車仔麵啦、糖水舖啦、好味嘅甜朱仔飽、花生糖等等……當然亦有精品店、衣飾店、水上用品店、帽子專門店等等……

就係咁就唔覺意行到七點幾，大人、細路都肚餓，咁我哋就去咗天后廟嗰邊，搵咗間平民式酒家，食咗個豐富嘅晚餐！

我哋五大兩小，叫咗一個『六和菜』：有灼蝦、一隻雞、一條蒸烏頭、兩隻乳鴿、琵琶豆腐、及西芹腰果炒菜圃肉丁……開頭仲驚D餸會細細碟，點知上菜時發覺無欺場，我哋都差D食唔晒，仲奉送靚橙一碟，唔係乾精橙，係又甜又多汁o架！埋單都係$$四百頭，抵！佢D價錢跟碼頭D謀人寺酒家真係差好遠，下次可以帶埋媽子及好安答們入嚟試吓先！

踏入夏季了，係時候要好好活動一下，等身上嘅脂肪減少D，磅數減少D，肌肉結實D，睇落後生D又靚D……

蕉坑教育中心(中)

睇完貝殼之後，就去咗個介紹有機耕種及環保養豬場嘅展館……

小型溫室裡的車厘茄……

用一塊完木雕出嚟嘅牛

淨係咁樣都行咗差不多50分鐘……接著便來到雀鳥館，無咩特別噃！

之後就走到戶外嘞……先見到一個錦鯉池，入面D錦鯉都好大條o架……

然後就嚟到呢個小型種植場，雖然噚晚滂沱大雨，但都無沖走佢地，仍然健在！

紫色嘅甜椒……

蜜糖豆……

豬乸菜??

埋喺地嘅紅蘿蔔……

木瓜樹仔……仲有好多……不能盡錄……

跟住行咗去小賣部……

有各樣有機蔬菜…袖珍冬瓜仔、莧菜、菜心、粟米、紅菜豆等等……

係時候要休息吓，所以就入咗呢間茶室，特別之處係志願團體協助聾啞人士開辦的，當然有D職員係無問題嘅！

待續……