清邁、清萊之一

當到過泰國多次後，便不想再逗留於曼谷，反而想看看較偏遠的泰北地區，是否較農村式，國民是否更純樸呢?！

某年的十一月，終於有機會出發了，經過曼谷轉機才到達清邁，全團一共七人，無錯，係七個人，分兩個party，壯年組一男四女，另一組就是我與媽媽，另加香港領隊及當地導遊，就好似包團咁，而領隊及導遊簡直照顧週到添啦，雖然要坐十四座小巴，但都玩得好開心。

住清邁航機上的什餐盒，塊吉列朱扒好正o架！

下午到達了清邁後，便隨即往素貼山上的雙龍寺，要坐纜車登山，逗留了一會拜過佛及轉過運(唔轉好過轉，响跟住嗰年，真係黑到痺)便先返酒店梳洗。

泰國廟宇…總是給人一個很大、很金碧輝煌的感覺。

晚上再出外吃泰式打邊爐，請不要奢望有豐富嘅食物，只係食菜及魚蛋食飽咋！

飽餐後，便遊覽清邁夜市，適逢水燈節，又有巡遊又放小型烟花，簡直係花多眼亂、人頭湧湧、仲要小心財物。所以都沒有太細意觀看。但花車上的清邁姑娘真的又白又靚。

逛了一會，於HargenDazs吃埋雪糕便返酒店做按摩，舒舒服服做咗兩粒鐘，當晚非常好瞓。