路多盧亞

第三日吃個早餐後，便開始行程了！

呢個係酒店對出的湖景。

文化村：欣賞毛里族人的歷史及其手工藝品(木雕)。而喺文化村內有一個特別的地方~~地熱區，可以說是火山泥漿區域，濃濃的硫磺味充斥著，滾燙的泥漿在翻動著，每隔一段時候，熱呼呼的泉水還會向高空噴出呢！

路多盧亞 (Rotorua)的彩虹鱒魚場：是一個鱒魚培殖場，亦會見到最著名的『奇異鳥』（kiwi），紐西蘭人將這種可愛而不會飛的夜行鳥類當作紐西蘭的象徵。

『奇異鳥』的標本。

跟著便去了彩虹牧羊場睇剪羊毛表演，佢地仲會搵D觀眾出來餵羊仔飲奶！最難忘係D工作人員將剪咗落嚟的羊毛分給我們，還叫我們揸在手中搓，用D羊脂來護膚，無錯搓完後隻手潤就好潤，不過陣味就好羶，攪到我洗都洗唔切，仲就咗好多次先無咁大陣味，乜咁大整蠱呀！千奇不要試呀！

維多摩鐘乳石洞及螢火蟲洞：坐了成兩個鐘頭車先到，鐘乳石洞內都很大，沿路走了一圈之後便到螢火蟲洞入口，要坐小艇入內(人手撐的)及不能拍照、不可喧嘩(要維持天然環境)，

慢慢地進入洞內，四週黑漆漆的，只聽到船底劃破水面的聲音及自己的呼吸聲。一會兒後，當抬頭望向洞頂，您便會發現有很多很多星星似的，閃著螢光綠色的光芒，不耀眼、很柔和、有一種安祥的感覺，好像什麼事也不再重要，只想完全停下來

。當時我在想(真係o架)：如有機會，在此環境下接受男朋友的求婚，就是最浪漫了！(發緊白日夢)

由於技術問題(無佢影得咁靚)，所以從有關網頁下載鐘乳石洞的相。

係咪睇得唔清楚呢？無辦法，因為入面唔準影相，從官方網頁下載的。

呢個會唔會好d？明白我以上的形容嗎？真係好靚，好感動o架！

其實佢地係螢火蟲的幼蟲期，每一隻都會吐出最多70條透明的絲線，藉著發出來的螢光來做餌，誘捕小昆蟲作為食物。