2008年9月22日 星期一
2008年9月21日 星期日
秋天到了嗎?
於農耕社會時，一年到尾，秋天是一個非常重要的季節，因為大部份稻米收成都在秋天，大伙兒都會忙於收割，看看今年成績如何……好了，當秋收過後，大伙兒都會聚在一起慶祝今年好收成，亦祈望明年會更好，然後大家就會為過冬做好準備……
……快到十月，是深秋了嗎?? 前兩天早上下了場大雨，午間時卻太陽高高掛，更晒得落力非常……秋天嘅涼風去咗邊呢?? 很難想像再沒有冬天的日子會怎樣過?? 經過商場，見到這樣的佈置，她好像在告訴我，今年的收成非常好，所有物產也豐富，叫人們也來分享她的成果！ 架上垂著一串串葡萄…… 一堆堆的生果，好吸引呢！
一束束的鬱金香，是代表寒冷天氣??
風車屋加鬱金香，令人想起荷蘭……
商場內的店舖，已紛紛推出秋季系列，但在如此溫暖的日子，怎可能把厚衣加上身上呢?
2008年9月20日 星期六
尋燈記
今天做完GYM，吃過午飯後，便外出為自己房間尋覓一盞合適的天花燈，因為現在那盞行將就木呢！
反正有時間，便往全城最HIT嘅家居用品店看看，貪佢鄰近地鐡站，又有幾層樓高，可以逐層慢慢行、慢慢睇……
人咁高嘅座地燈……
吊燈，吊响廳嘅角落頭??
呢朵花花燈幾靚……
呢D掛燈，好有聖誕FEEL……
掛响邊處好呢?
用籐織嘅燈罩…… 好大個呀！
CYBER FEEL嘅射燈組合……唔啱我用！
呢D掛燈放喺小朋友房就最啱喇……
行完燈飾部，轉個彎就見到呢兩條得意嘅魚…魚…
仲有最新嘅掛門簾……夠輕巧，又不用上鏍絲，又洗得，幾好吖！
終於……燈就見到好多盞，仲有好多種類添，天花燈、枱燈、座地燈、掛燈……但係就冇一盞合心意，有些太華麗、有些不實用、有些太大或太少……最後唯有空手已回，再作打算！
2008年9月19日 星期五
可以鬆口氣?！
恆指從貼近萬六返回萬七樓上，大家都鬆口氣，好多人都怕跌穿萬六點，其實我係門外漢，對金融嘅野都唔係好熟，但對於重要嘅消息或情況，唔多唔少都會留意吓！
好似上一次，次按風暴~~好似平息咗，但其實係引起今次雷曼兄弟、再加埋AIG嘅原動力……金融海嘯，真貼切，來去快如風，但殺傷力驚人。
雷曼兄弟嘅破產，引起各大中資銀行都被涉在內，股價又跌無升，仲跌破招股價添……
AIG仲恐佈，全球最大嘅保險一哥，都面臨破產邊緣，唔多唔少都關乎次按問題，幸好，到最後都得到聯儲局出手相助，其實都係大家好，萬一AIG真的倒下來，那麼全球有更加多嘅金融、保險、及銀行機構都相繼受拖累，因為他們大都有業務嘅掀引，好似骨牌效應一樣。
單看香港AIA及其他分區嘅AIA就知，CUT單嘅人如雪飄至，唔理張單供咗幾耐，攞番幾多錢都好，都一於好少理，佢地直情係恐慌性CUT單。
幸好我無買AIA嘅保險，就算有，我都唔會CUT單，因為我相信保監會有完善嘅機制去保障保單客戶嘅利益囉！
2008年9月16日 星期二
繽紛水世界
追月日，亦是最後一天假期，剛巧相約了舊書友一同前往尖沙咀看另一個綵燈展……
日光日白，遊人不算太多，這個燈展以中華白海豚為主，展視了水底世界各種不同形態的生物，又有陸地嘅白鶴、蜻蜓作陪襯，大孩子與小孩子都是值得一去的……
從天橋上水平線觀看的效果……
地獄嘅天氣實在太熱，行了一圈後，便與舊書友走進"天堂~~購物商場"作Window Shopping，然後食埋個燭光晚餐，再出嚟影吓入夜嘅綵燈……
先嚟個蟹肉沙律、接著係香草磨菇忌亷湯、主菜有：海膽汁脆魚柳焗飯及煎豬柳伴西梅汁、餐飲係熱蘋果茶~~連加一承惠
日與夜嘅綵燈效果真的不同，我就比較喜歡綵燈於白天的自然色彩，晚間透過燈胆做出發光效果，感覺假得很……
雖然如此，但遊人比白天嘅時候多了很多，簡直是人頭湧湧……意興闌珊之餘，唯有拍了幾張就離開，不過喺離開嘅時候……就俾我捕捉到文化中心及月照中空呢兩副靚相。
明天要早起，咁又開始一個星期嘅工作喇！
訂閱：
文章 (Atom)