又到聖誕，就快放假！

聖誕將至，大部人都會攪攪Party、聚會等……或者出外旅遊，不過今年的旅費確實在超高，簡直超乎想像。旣然如此，可不望梅止渴，昨晚又再翻起相簿，回憶起一個帶給我三個特別感受的地方，她就是『泰國』喇！

最震撼的：剛在04年9月中踏足過布吉那邊的『鳥蛋島』，並玩咗大半日，估不到就係普天同慶的日子發生了海嘯……，我在想當時在島上的人會驚成點呢！換轉係我又點呢！幸好當日在島上的香港旅行團友都可安全回來，當年覺得人生太無常，大自然的威力又真不可看小，告誡自已一切事情應以平常心看待，不要太執著，但隨著年月過去，心鏡又蒙塵了。

最溫馨的：第一次與大、小靈精到泰國玩，當時他們只有五歲及三歲。很多事情她們都是第一次接觸，又好奇、又驚喜。大靈精更第一次試玩降落傘呢！雖然好開心，但其實返嚟之後，總覺得自己無乜點玩，仲好似辛苦過平時放假响香港。

最特別的：曼谷己去了多次，再無驁喜，所以便報了團去清邁、清萊，踏足過泰緬邊境、金三國地區、並於寮國境內寄出了名信片回港作紀念。另外呢就係今次個團總共只得兩個Party，共七個人。全程由一個領隊及一個當地導遊貼身嚟照顧我哋，感覺好似包咗團咁。

其實泰國都幾好吖，洗費唔係太高，食物又多樣化，又可以試泰菜、日本菜、法國菜等……但最啱就係Shopping嘛！我都試過好"豪"咁响Emporium買衫、買鞋及Paragon嘅超市買手信0架！

大靈精的生日會

風塵撲撲，做完按摩便趕著到大靈精家開生日會。

雖然正日是20號，但為了方便大家抽空出席，所以提早了慶祝，壽星女九歲了，希望佢可以開開心心地成長，不要浪費父母提供的資源，好好做一個開心快活人。(好似老人家咁添！)

晚餐不是太豐富，有沙律、意粉、雞翼、腸仔等…當然重點係生日蛋糕啦！

睇吓，兩磅重嘅雜果大蛋糕呀！

壽星女第一時間坐埋位，等切蛋糕。

未得住，要點咗爉燭先，仲要唱生日歌。

等咗咁耐，終於切得喇！(等到呆咗？)

要收禮物，梗要表演吓先啦！(馬馬虎虎啦！)

終於拆咗第一份禮物。(含蓄地笑)

小靈精都有噃。

陸續拆埋其他嗰D禮物。(佢偷笑呀！)

收穫甚豐。

小朋友生日就最開心，有餐食又收到無數咁多的禮物，但經好"安答"要求不要再買玩具後，禮物多變成圖畫書、衣服、鞋、文具用品…等等，(女麻)(女麻)今年仲封咗封"利是"俾大靈精添。

唔係掛要去卡拉ok??!!

今早返到公司就見到隻"貓"，終於公佈我哋部門點樣慶祝聖誕，就係陪同大班們一起去唱卡拉OK兼食BUFFET，仲要多謝佢地包底添！但我好耐無唱過K，OUT晒囉噃！就算係去都同自己朋友去啦！而家仲要三十幾人一齊去唱K？到時你眼望我眼…真…無…謂…！

又一隻"貓"，我哋部門嘅亞頭，終於落實由其他部門空降落嚟，唔係亞姐，而係"亞哥"，下星期到位，新人事新作風，唔知我哋會有咩轉變呢！希望一切依舊啦！

今朝都不知幾忙，話咁快又收工，好耐無去做按摩了，今天約咗做個半鐘，點知之前做開嗰個好好手勢嘅技師，竟然離職了。又要再試過其他技師，我通常做慣咗就唔會轉第二個，但今日試呢個又好似唔係好啱。預約下次時要再試另一個。

無做成三個月咁耐，D肩、頸位、小腿呀不知幾緊，個半鐘好快就過去，沉醉在香薰油中，腦裡空白一片，什麼事也不想，最令我放鬆的除了浸溫泉外就是按摩了。