薄野篇

下個月聖誔節，但各大商場都開始佈置得美輪美奐，大家都吹噓著經濟好、市道好。連超級豪華團都話爆滿，不是我、不是你，那到底是誰有此消費能力呢？股市而家仲跌緊噃！

若冬季會出外旅遊的話，我不期然會想起日本，想著她的雪、她的溫泉。浸在露天溫泉，看著雪慢慢飄落，還未沾上身，已被泉水熱力融化了。浸過溫泉後，最享受的就是嘆一口雪糕，然後再享用甜美的水果作宵夜。確使人回味無窮！

望梅止喝！睇翻年頭住北海道的相片，發覺影少咗好多相，因為已經是第三次到訪，有些地方已重覆再去了，當時覺得之前已經嚟過、影過，唔駛再影了。但而家翻起來睇，就發覺响同一地點；喺唔同嘅時間；跟唔同嘅人一齊，都可一不可再，如今覺得有些遺憾！

好了，年三十晚出發，坐國泰直航到北海道，唔駛轉機，幾好呀！七點鐘就到薄夜，不用晚餐當宵夜食。雖然係年三十晚，但團體餐仍然係安排八點半响拉麵街吃拉麵o架！所以我哋就火速到Robinson地庫超市買定士多啤利及蜜柑做宵夜，還有杯麵和零食啦，接著還重臨舊地買燒墨魚丸、食吞拿魚及甘海老壽司、仲試埋Mos Burger添，點解食咁多，因為我對拉麵麻麻地囉！

返到菓子王國酒店，仲可以慢慢浸埋溫泉，食埋生果先瞓呢！天氣凍唔凍？得1度囉！但因為開心得濟唔覺凍噃！

東歐行後記

從計劃到出發至玩完回來，心情仍非常興奮，一邊發表網誌，一邊再細味當時境況，雖然我已拍了很多照片回來，但仍發覺遺留了一些當時不以為以的地方，現在只得留在腦海裡。

東歐，對我來說是一個很陌生的地方，只知道從前都是鐵幕國家，曾嘗試找有關我將到訪國家的書籍，可惜非常之少，而大部份呢都著重介紹有布拉格及布達佩斯。其書中的描述深深吸引著我，當真正踏足時，卻又驚又喜，但感覺未有太震撼。

通常第一個感覺，都是先入為主的，所以當我在布達佩斯的漁夫堡俯覽全城境觀那一刹，就覺得她是最美麗的。

當地的膳食總括不差，雖然大部份都是吃豬扒，本來還擔心回來後會否加磅，幸好，每天於當天都總有兩、三小時的步行時間，每日行得仲多過係香港呀！所以體重也沒有上升。

歐洲人的輪廓不差，最正係匈牙利的男子，高高大大、全蓄短髮、女子呢！衣著入時，個個都是Model身材。响斯洛文尼亞酒店嘅櫃枱接待員就最帥，可惜人哋太忙，未能跟他合照添！當沿路經過其他國家時，就發覺男子越來越差勁，到了德國後，竟見到地中海及大肚腩。

匈牙利：一個國家的歷史，足以影响到其他歐洲國家，幾犀利呀！

克羅地亞：一個很細的獨立國，主力物流，運輸至內陸各國，亦有出名的十六湖境區。

斯洛文尼亞：唔講唔知，佢原來係從"南斯拉夫"解體後獨立的小國，彩色玻璃製品很特別，亦有世界第二大的鐘乳石洞。

奧地利：沒有到訪維也納，反而去了薩爾斯堡，於舊城區內的景緻並沒有多大的變化，轉變的只是時間及人。

捷克：很多旅遊書上都有介紹此地方，吸引我的是"古姆洛夫"，被列入世界遺產的城鎮的她，仍存著古城風貌，站在大街小巷裡，有點時光倒流的感覺。布拉格呢！已被世俗民情入侵了。

柏林：戰爭另到德國差點失去了主權，被前蘇聯管治的地方，只有滿目瘡痍，生活水準下降。

再一次承認，出外旅遊是我的至愛，有關香港嘅事只應在香港處理，所以我每次出外都把腦袋放低在家中，無拘無束、無顧慮、自遊自在玩回先算，你哋認為呢！

~~~~~~~~~~~ 完 ~~~~~~~~~~~

德國四

……離開布蘭登堡大門後，便前往新國會大廈，他是一座很長的建築物，而屋頂呢就加建咗一個現代嘅玻璃圓頂作為觀光塔《好似話係貝聿銘設計的》，遊人可以排隊通過保安檢查後直上塔頂，俯覽整個柏林。

又見到這些小型遊覽車了。

德國三

……接著便往『查理檢查站』，他座落於十字路口上，當年東德人民要往西德探親時(多數俾老年人)，便要通過呢D關站進出。而呢過檢查站特別之處，就係佢座落响一條街嘅中間，而呢條街以前就係東、西德最接近的交匯點，可說是前腳踏入西德，後腳仍在東德(比喻式)。

圍牆舊址。

德國二

……看到這些舊建築，感覺上她總帶點蒼桑，可能跟她的歷史有關……

但而家係〝東德〞的建築，大部份都粉飾得靚靚仔仔咁，設備都比〝西德〞嘅新及先進，呢D都係呢十幾年的成果。雖然有D〝西德〞人民唔係咁願意，但年政府都撥留大部份金額俾〝東德〞應用，可見他們自己對國家的情意結！而德國的首都亦從新搬返柏林。

今晚食咸豬手餐，大大隻、好好味、好正…不過食唔晒，太浪費了！仲飲咗杯〝特飲〞……就係芬達溝百仕喇，味道都唔錯，你哋都可以自己試晒。