再戰迪士尼二

…玩完轉、轉、轉之後，我哋就去咗『明日世界』喇！

响呢度，我哋玩咗"巴斯光年"……

爸爸…爸爸…係咩嚟嘅呢??

"馳車天地"~~架車响條軌上面行，你可以控制架車嘅行駛速度，但你睇吓，D車一架接一架咁密，點樣飛馳吖……跟住就玩"幸會史迪仔"

黃昏時候嘅美國大街……

去米奇老鼠大宅拜個年先……

點解對鞋咁大嘅??

之後肚仔餓，係食晚飯嘅時候喇，好豐富呀，睇吓套餐具幾靚。

食完晚飯出到嚟，就見到咁靚嘅夜境喇！

汽球內有閃燈o架，係好特別、年宵市場都見過，不過多咗隻米奇logo之後就要賣成一百蚊一個！都好貴！

睇完煙花表演，我哋就隨著人群散去，坐番米奇老鼠火車返回現實世界了。

再戰迪士尼一

記：二月十八日，天晴，

晒到契仔都話要載番副"黑超"。

估不到咁快又去迪士尼，今次係同埋契仔啦、契仔媽同契仔嗲一齊出發的，大約十點幾到達！

當天的遊人不算多，每個遊戲嘅等待時間都係可以接受嘅，最長嗰個排咗45分鐘，最短排咗15分鐘囉！

首先請欣賞吓由不同名人設計嘅米奇先啦！

途經『美國大街』，就見到呢個新的互動布偶遊戲，旁邊有工作人員協助布偶與遊人一齊溝通及玩遊戲。

然後應契仔要求，先去『探險世界』睇~~"獅子王慶典"，以百老滙歌劇演繹，再加變幻舞台，契仔不知睇得幾投入。

之後就去『泰山樹屋』…

契仔原來唔鍾意泰山，拿拿林睇完就走

然後坐船去『森林河流之旅』……上次我坐左邊，今次我哋坐右邊，點知D水花仲多，攪到唔敢開相機。

我哋就係响呢間餐廳食晏喇……

食飽飽，打鼓都打得落力D、開心D……

跟住就去『幻想世界』睇有風、有香味、有水花送嘅3D"米奇幻想曲"……

之後就繼續玩"小熊維尼探險之旅"……

坐完蜜糖罐探維尼之後，契仔就接住玩咗D我唔會玩嘅項目，就係只得轉、轉、轉、轉到頭都暈嘅…小飛象、旋轉木馬、咖啡杯等……佢哋仲轉得好開心添。

待續……

有興趣者，可重溫出發往迪士尼之一及出發往迪士尼二之網誌！

以後再無討厭嘅錄音電話喇！

各位網友：

如果你想停止收到"錄音"之推廣電話以及訊息，

請即致電 1835000 登記自己嘅手提或家居電話號碼。

咁响4月7號後，你就再唔會收到D錄音嘅推廣電話喇！ 

欲知詳情，可瀏覽：拒收訊息登記冊 網頁入面嘅內容。

部電腦識出聲喇！

之前部電腦無端端啞咗，攪咗幾隻月都無起色，無晒心機！

曾經試過重灌電腦，但都唔得，心想唔通真係要搵IBM上門維修，最幣係過咗保養期，上門要收費$$$，換零件要收費$$$，都要好幾舊水，仲要請假等佢上門。

咁唯有作最後嘗試，向網上各路英雄求助，幸得回應：建議我可以試用外置式USB音效裝置。

今日膽粗粗走去電腦店問吓，個店員話係有嘅，可以買嚟試吓。買完就拿拿林返屋企，一插好晒就試聽Windows Media，ok噃，然後放隻日語課程嘅CD嚟聽，都ok噃，好野！

好野，部電腦終於出番聲喇！多謝網絡無名英雄！

亞哥請食飯

不經不覺又到三月，放完年假上班後，都不停的有很多飯局，先約咗舊同學聚頭、繼有新同事到職、接著有兩位組長請食lunch以祝願新一年工作順利、然後就係公司春茗、最後輪到Dept亞哥請食dinner。

亞哥响舊年11月風塵撲撲的上位，接著一直都忙著籌備新年度嘅野，都未正式打過招呼，所以當晚亞哥請食飯，Dept嘅人梗係到齊啦！

地點响灣仔合和中心60樓，訂咗兩圍。我哋公司係新界西區，收工後坐巴士轉地鐵才到達，都幾遠o架。

同事當晚都樂意提供自備紅酒、日本柚子酒及加拿大ICE WINE，可惜我有點感冒，試不到極品ICE WINE，真可惜……

係六十樓望出嚟嘅境緻，係咪好靚呢！

當晚嘅佳餚有：

開胃前菜：酸薑皮蛋 (酸薑好味，皮蛋好臭)

1) 豬仔腳、乳豬併盆 (D豬仔腳好"林"、好入味)

2) 蒸唇腩 (豐富骨膠原，伴以生菜)

3) 上湯燴龍"等"片 (D肉好滑、好甜，大家都唔怕雪茄毒，係咁食，D魚片放响個冬瓜上面，仲伴有菜心、粉絲、粉皮等)

4) 大蝦多士 (好味，不過好熱氣)

5) 玫瑰雞 (似係豉油雞再加咗D玫瑰露酒一齊浸咁)

6) 韓式石頭飯 (隻石頭碗好熱囉) 及魚湯米線 (非常麻麻地)

7) 桂花糕 (好清甜) 及蛋白杳仁茶 (好好味，一D都唔覺"漏")

8) 生果併盆 (有西瓜、蜜瓜、哈蜜瓜……超級麻麻地)

個個都食得好飽好開心，有時顧住玩顧住食都無影到相添……

亞哥仲話下一季再攪多次喎……真客氣(朝庭不用餓兵乎?！)