唔係掛要去卡拉ok??!!

今早返到公司就見到隻"貓"，終於公佈我哋部門點樣慶祝聖誕，就係陪同大班們一起去唱卡拉OK兼食BUFFET，仲要多謝佢地包底添！但我好耐無唱過K，OUT晒囉噃！就算係去都同自己朋友去啦！而家仲要三十幾人一齊去唱K？到時你眼望我眼…真…無…謂…！

又一隻"貓"，我哋部門嘅亞頭，終於落實由其他部門空降落嚟，唔係亞姐，而係"亞哥"，下星期到位，新人事新作風，唔知我哋會有咩轉變呢！希望一切依舊啦！

今朝都不知幾忙，話咁快又收工，好耐無去做按摩了，今天約咗做個半鐘，點知之前做開嗰個好好手勢嘅技師，竟然離職了。又要再試過其他技師，我通常做慣咗就唔會轉第二個，但今日試呢個又好似唔係好啱。預約下次時要再試另一個。

無做成三個月咁耐，D肩、頸位、小腿呀不知幾緊，個半鐘好快就過去，沉醉在香薰油中，腦裡空白一片，什麼事也不想，最令我放鬆的除了浸溫泉外就是按摩了。

 

 

 

 

去迪士尼慶祝生日

由迪士尼開幕講到而家，都未能正式與大、小靈精到此一遊，一來係之前佢哋年紀較細，得我一個好難兼顧到她們，另外，始終覺得此園太細了，比日本的仲要細，點玩呀！

但今年不同了，大靈精十歲日生了，第一個十年噃。做姑媽的當然要有些表示啦！一般禮物、衫衫褲褲、佢都收唔少啦！從佢口中得知她非常渴望去迪士尼，反而海洋公園差不多一年去一次去得太密，唔願去。

計過數，左慳右慳都可以嘅，咁今日就宣報於大靈精生日當天，會帶她及細佬一齊去迪士尼欣賞奇妙聖誔及慶祝生日，點知大靈精好唔開心咁話我知〝唔去得〞，因為佢哋當日要做身體檢查，問清楚『好安答』，得知到，原來全港小學生都要做嘅，分批去到唔同地區嘅健康院做檢查，改時間會好麻煩。

咁即係要再揀第日啦！不過，唔好話我"寒"，21/12打後至1/1都係特別或指定日子，收費會再貴些，所以要再看看她們幾時開始放聖誕假呢！